Тулгар төр байгуулагдсаны 2224, Их Монгол Улс байгуулагдсаны 809, Ардын хувьсгалын 94, Хан Хэнтий уулын аймаг байгуулагдсаны 92, Норовлин сум байгуулагдсаны 91 жил, үндэсний их баяр наадмыг "Морьтон Монгол Наадам" уриан дор Мал сүргийн хишиг буяныг тогтоох, Адуун сүргийн өв соёлыг нийтэд түгээх агуулгын хүрээнд 2015 оны 07 дугаар сарын 07,08,09-ны өдрүүдэд зохион байгуулагдлаа. Баярын арга хэмжээний хүрээнд 108 мянган малын хишиг, Түмэн адууны баяр наадмыг тохиолдуулан мал аж ахуйн салбарт үр бүтээлтэй ажиллаж мал сүргээ өсгөн, амжилттай ажиллаж байгаа зарим малчдын хөдөлмөрийг үнэлж "Манлай малчин", малын таван төрөл тус бүр дээр Хамгийн олон мал тоолуулсан малчдыг шагнаж урамшууллаа.